|
Ao d’r Schorsch ist jetzt dabei, sechs Jôhrzehnte send passé ond mir Sänger komme glei, feire mit, ha dees ischt schee!
Geit’s bei aos a Fescht, a Ständle, gôhscht Du mit’ m Foto los, dôfir hôscht Du echt a Händle, Deine Bilder – echt famos!
Ob Portraits, ob ganzer Chor, môl Details, môl Landschaftsflair, Du nemmscht Dir fast älles vor, zoomscht Dir’s mit d’r Digi her.
Ond wenn oiner richtig lachet oder ao môl wichtig duat, aoser Schorsch a Bildle machet, ond dees wudd so richtig guat!
Selbst „verdeckt“, dô hält er druff, aus der Hüfte manchmôl ao, macht dô gschwend sae Kläpple uff, koiner kô ehm je entgao.
Obadrae no Financier, als Kassier ischt er agil, kô aos manche Lehrstond gee, dees `scht fir ehn a leichtes Spiel.
Als „studierter“ Oberbanker, a d’r Gwerbschual tätig sae, er verschdôht dia Banka-Lenker- ond ao d’ Kass vom Gsangverae |
Wia isch zo d’r „Krise“ komma? Frôg da Schorsch, der woiß’ genau, ond erklärt ao a ma Domma: so ond so muaß dees wohl gao.
Leiht beim Bier da Deckel aus: „Gugg, drei Cent wär d’ Sicherheit“ Mach faef Euro jetzt dôdraus, ei, wia hôt d’r Näscht a Fraed!“
So gang dees om achtzeah Ecka, jeder glaubt, dass guat dees ischt, letztlich muaß dô d’ Bank verrecka, glücklich, wenn’s Di et verwischt!
Power Point- a Instrument, mô beherrscht d’ r Jubilar, dees woiß jeder mô ehn kennt, seine Shows send wonderbar!
Ranket sich om „Liebe“ `s Liad, sieht ma Fraua, voll ond drall, oh, wia regt sich dô a’s Gmüat, Bilder echt fir jeden Fall!
Gôht’s vom Sommer môl en Wender, hôt d’r Schorsch a Bild mit Schnae, druckt beim Senga schnell uff „Enter“ no perfekter kô’s et sae!
Mehrfach „Amt und Würden“ traga, dees duascht Du echt vorbildhaft, „Danke“ welle mir haet saga, super, was Du älles schaffst |
Gottes Seaga ond viel Byte ,
ond a „Kischt“ mô äwl duat,
weiterhin viel Spaß ond Fraed,
machscht Dae Sach halt oifach guat